پېژندنه: دروېش دراني چې دا مهال د بلوچستان ايالت په مرکز کوټه کې ژوند کوي، په اصل کې د کندهار د ګلستان د سيمې دى. دروېش دراني که څه هم په سهيلي پښتونخوا کې زېږېدلی دی، خو په اصل کې د افغانستان د کندهار ولايت د ارغستان ولسوالۍ څخه يې کورنۍ هلته کډه شوې او هملته اوسېدلې ده. دروېش دراني يو له هغو شاعرانو څخه دی چې د افغانستان وروستۍ غميزه يې په پوره هنر سره انځور کړي ده. زده کړې: درويش دراني چې په انګليسي ژبه کې ماسټري لري، په پښتو ژبه کې يې ستوري په لمن کې، په کاڼي کې هنداره او هوا او څراغونه مشهورې شعري ټولګې دي. د شعر تر څنګ يې د پښتو شعر د عروض په باب هم کتاب چاپ کړى دى. کورنی ژوند: ډاكټر عبدالباقي دراني او د اردو ژبې تكړه شاعر ډاكټر عصمت دراني د دروېش دراني وروڼه دي. د ٢٠١١ز کال د مارچ په ٣١مه د ښاغلي دروېش مور په حق ورسېده. وياړ غونډې: د دروېش دراني په وياړ د ٢٠٠٦ز کال د نومبر په ١٩مه په ننګرهار کې غونډه جوړه شوې وه، چې مډال هم ورکړل شو. شاعري: د دروېش شعرونه پېچلي نه دي، په اکثرو کې يې د حالاتو انځورګري په پوره هنر سره شوي ده. اضافي خبرې نه کوي او د غزل تر څنګ يې نظمونه ډېر له پيغام او درد څخه ډک دي. چاپ اثار: اغزنه لاره زخمي لاسونه هوا او څراغونه ستوري په لمن کې په کاڼي کې هنداره په ناورين پسې ناورين دا بوټي به لونګ شي پښتو عروض