صدیق
بېهوده په هوا ورک له ځانه بړوسه
د معنی څيره هيڅ نه ده در معکوسه
تجلې د نور په پورته تر کعبې شته
هيڅ اشيا يې خالي نه دي له جلوسه
په هر څه کې هغه مخ دی چې ليده شي
آيينه د خيال نمای لري عروسه
د حبش نامه دې هيڅ رښتيا تر خال شوه
د اګر خوبي جدا ده له آبنوسه
د ظاهر زينت جدا، باطن جدا دی
قدر هيڅ بې دانې مه غواړه له بوسه
د غفلت اوده به ويښ په شر و شور کا
اوده مه شه په لږ شپه ډېر تر خروسه
ويوسف ته عيب عشق د زليخا شو
د صديق مينه د عيبو کړه جاسوسه