صدیق
په جهان کې ستا د لبو شراب نه شته
سوی زړه لکه زما بل کباب نه شته
په ماڼې مې در د زړه چيرې مات نه کړې
د څڅواکي طاقت هيڅ د حباب نه شته
لوی حجاب ځنبل د سترګو د ديدن شي
د بيدارو سترګو پيڅ د حجاب نه شته
پټو سترګو د ديدن فايده يو نه وړه
د نرګس د سترګو هيچرې خواب نه شته
د زاهد دست افشانې بله نغمه کا
هغه غږ دلته په چنګ و رباب نه شته
ډکې نور پيالې د می په هوښيارۍ څښي
يو پرې ماغوندې بل مست و خراب نه شته
هوښيار تله د عمر درست په اوبه ګوري
تله تر عمره ډېر د برق په شتاب نه شته
وايه ما به بيا د کوم يوه په شمار کړې
ستا په در د کستګانو حساب نه شته
سړبن، کرلاڼی، دواړه پښتانه هم
دا ويل د هيڅ يوه په کتاب نه شته
صديق مرګ له تورو سترګو د يار غواړي
د عمزو د مقتولانو حساب نه شته