صدیق
چې قاصد راوړ په مخه د دلدار خط
حقيقت راته ښکاره کړ په تکرار خط
دا يې حسن د ښه مخ له مخه درومي
چې څرګند شو اوس په مخ باندې د يار خط
له اندوهه يې هر ګور په زړه زهير شوم
چې مې ولوست په ارمان او په چغار خط
دا يو زيری د بهار دی چې پرې وشو
که سبا ور کړ بلبل ته په تلوار خط
د وصال قاصد چې خط د دلبر را وړي
په ليمو ږدم په تندي ږدم په دستار خط
هسې رنګ خوشحالي ستا د خطه مومم
لکه راشي د روزګار په بې روزګار خط
که په سخت زحمت کې پروت وي پرې آسان شي
د طبيب چې چيرې ورشي به بيمار خط
صدقه د صديق سر تر هسې ياره
چې يې ډېر شي وبلبل ته په تلوار خط