صدیق
ليونی هوښيار به هيچرې ساز نه کا
زاغ په باغ کې د بلبلې آواز نه کا
د زاهد له ميخوارۍ سره زيست نشته
شيشه کاڼی په تربت کې دمساز نه کا
په نزول د بلا صبر خاموشی کړه
غشی خلاص راتله وژۍ و ته باز نه کا
په خندا د زرکې کل حاصل د باز وی
پټه خوله طلب د زرکې شهباز نه کا
غم رښتيا دی په ښادمن خاطر نزول شي
خنده رويه زمانه سر فراز نه کا
د استاد په لاس پر کار بې قيده نه وي
تير سړی مطلب د زړه تر انداز نه کا
د کريم کرم هر لور ته صديق ډېر دی
قصر مينه د محمود په اياز نه کا