د دلبر ښايست لقا په نقاب بل کا

هر حجاب يې مخ پناه په حجاب بل کا

درخشان کښلی حصار پريږدی بيرون شي

روشنايی خوشی د زړه په مهتاب بل کا

جدايی جدا له ما دو جد نه شوه

ذره زړه رقص زما په آفتاب بل کا

په کاسه د سر، د دار په سر شراب خورم

زه منصور، مستی زما په شراب بل کا

د يوسف په وصال ځوانه زليخا شوه

بعد نن پيری د عشق په شباب بل کا

تلاوت مې خط په مخ د يار بياض شو

ساده رو محبت را د کتاب بل کا

خاموشی مې ګويايی شوه په څو رنګه

يار زما زما په نوم شي، جواب بل کا

څو مې نوم د هستۍ شته لا هومره هست يم

هست به نيست مادنيستۍ په حساب بل کا

د حيات د اوبو څه منت صديق وړی

شتنه لب به يې سيراب لب اب بل کا