فرید باراني
غزل
چا راته خوب کې ویل مه لیکه ډار غزلې
سرې د وحشت غزلې تورې د ښامار غزلې
د احساساتو پر لمن مې هومره اوښکې توی شوې
چې بې له ځنډه درته لیکم په وار وار غزلې
د قبر خوله مې شعرونو په کتاب وتړئ
چې مې خاورو په ځای واخلي ټول مزار غزلې
اوس مې وجود لکه وخت دا شیشه یي قبرونه
فکر مې نه لري و ښکلو ته د ښکار غزلې
د مینې باغ د عاطفو ځاله یې ونړول
خدایه ته ورکې کړې د نرخ او د بازار غزلې
راشه چې وخت مې نور له لاسه قلم واخیستلو
چې درته ولیکم په بیړه په تلوار غزلې
۴/۵/۱۳۸۹- صفا راډیو، جلال اباد