فرید باراني
سکوت
یو له فریاد
او یو له چیغو نه لبرېزه سکوت
زما د ژوند په لېوني ستوني کې ځاله کړې
اه،
میاشتې کلونه
سرو کار مې له غریو سره دی
خو ستا د مینې امانت
ستا د نظر د رڼاګانو نګین
زما د زړه د بخالت لېوني دېو سره دی
زه چې په خیال کې ستا د هیلو د لښکر ولسمشري ونیسم
بیا ټوله ستا شم
د قدرت لمنې
ستا د پلونو لاندې وڅنډمه
خو هغه دېو!
زه ترې ډارېږم
زه ترې ډارېږم
زه ترې کرکه لرم
سره له دې چې یې زما د وجود
د خوشالۍ لارې تړلې د ابد لپاره
۷/۱/۱۳۹۰- هرات