فرید باراني
د مصر ښار
زړګی مې ستا له غمه سم د مصر ښار شو
او ارمانونه مې واټونو ته راووتل
د ژوندانه د تور زندان د ازادۍ لپاره ودرېدم
د مصریانو غوندې
او ته زما د هر ارمان د قتلېدو “مبارک»
حتمي یوه ورځ به
زما د هیلو د لښکر پاڅون ته
په احترام درېږې
زما ارمانونه به د اوښکو په درشل کې د خوښۍ ډکې شېبې
ونمانځي
د زړه په ښار کې به سرونه پپه سجدو شي د یزدان لپاره
خو زه به بیا هم
تا “مبارک» په خپل زړګي کې ساتم
هو!
د ابد لپاره
...
۲۲/ ۱۱/ ۱۳۸۹/ - ننګرهار پوهنتون
( د مصر د ولسمشر حسن مبارک له استعفا نه یوه ورځ وروسته
)