فرید باراني
غږ مې د چا په لاس درولېږمه؟
غږ مې د چا په لاس درولېږمه؟
ورځ زنداني ده لا د شپې په غېږ کې
آیا د ستړي زړه اواز مې اورې؟
غږ مې د چا په لاس درولېږمه؟
ټوله دونیا ویده ده
یواځې زه یم چې د شپې تک تور ټکي خورمه
او په یواځې وجود
ستړی لګیا یم د رڼا د خلاصېدو لپاره لار خلاصوم
تر څو چې بیا سهار شي
خور مې په خپلو جنتي لاسونونو
له سوړ وجود څخه کمپل ایسته کړي
تر څو دفتر ته د ورتللو بندوبست ونیسم
هغې زما د ژوندانه د تکامل لپاره
هغې زما د بشپړتیا لپاره
زړه ستړی کړ
ځان ستړی کړ
مګر د عشق د کلمې وپای ته
د ځنکدن په حال کې
سلګونه نوي او زاړه اسوېلي
او د قلم په خوله کې
یو څومرموزې جملې؟
ورځ زنداني ده لا د شپې په غېږ کې
آیا د ستړي زه اواز مې اورې؟
غږ مې د چا په لاس در ولېږمه
ټوله دونیا ویده ده
یواځې زه یم چې د شپې تک تور ټکي خورمه
او په یواځې وجود
ستړی لګیا یم د رڼا د خلاصېدو لپاره
لار خلاصوم
...
۶/۹/۱۳۹۰-جلال اباد صفا راډیو