فرید باراني
یادونه
څومره په رمز درته د مینې یادونه وکړم
حد ورته ته وټاکه
نور مې د صبر پښې
د انتظار په تبر مه ماتوه
اوس خو زما د کتابونو پاڼې
زما د زړه
زما د درد خبرې هم تا له در ورسېدې
نور نو زما اوستا تر مینځ
کومه خبره ناوېلې پاتې،
چې موږ د ځان سره ویلې نه وي؟
دواړه پوهېږو
چې منصور غوندې
په مینه باندې سر ورکوو
دواړه پوهېږو چې د روڼ سبا زرینې وړانګې
د عشق په سوځنده ناکامه مازدیګر ورکوو
...
۱۴/ ۷/ ۱۳۸۹ جلال اباد صفا راډیو دفتر