فرید باراني
د هیلو پوځ
ما ته یوه لپه دیدن د تورو سترګو راوړه
چې د بې صبره زړه ماشوم طاقت مې
د زړه له کور څخه راوباسمه
او ورپسې خپل د کلونو پرېشان فکرونه
ټوله راټول کړم مېلمستیا ونیسم
او په پیالو کې ستا د حسن دیدنونه وکړم
نور یې تصمیم او تمرکز یوې نقطې ته پرېږدم
ټولو ته دا ووایم :
زما درنو ښاغلو،
سلام علیکم!
زما د هیلو غازي پوځه!
ماته غوږ ونیسئ!
چې د بې صبره ز ړه ماشوم طاقت مې
د یار په لاره نذرانه اېښی دی
...
۱۷/ ۳/ ۱۳۸۹ - ننګرهار پوهنتون