سلیمان لایق
څوک په
خپل وطن كې د پرديو غلامان شوو
څوک د
لمر په جنګ کې په تيارې پسې روان شوو
څوک د
قوم او ژبې د تبعیض قهرمانان شوو
چا
ږيره اوږدہ کړہ د جنت ټیکه داران شوو
سرې
وینې بہېږي د افغان له ټپي تنه
پاڅېږہ
وطنه
وږي ملایان
میلیونران شوو د بانکونو
دین
ایمان یې ورکړل په ډالرو په پونډونو
لوڼه یې زینت شوې د خليج د ساحلونو
شرعه
يې جاري کړہ د عربو د بزمونو
بوی د
کفر جګ شو د اسلام له انجمنه
پاڅېږہ
وطنه
لاړل
پاکستان ته له یوې مخې جهادي شول
بم
باروت یې راوړل د وطن د بربادي شول
سوله
یې تالا کړه، د قتلونو بنیادي شول
خپل
کور ته د غم شول، پنجابي ته د ښادي شول
سپین
جواز یې واخیست له لندن او واشنګټنه
پاڅېږہ
وطنه
خپلو
قاتلانو، قصابانو ته حيران يو
دغو
هيواد پلورو افغانانو ته حيران يو
موږ د
خپلې خاورې دلالانو ته حيران يو
موږ دې
وینو څښونکو شرمښانو ته حيران يو
خپل
ځان کې شرمېږو د نړۍ له هر تنه
پاڅېږہ
وطنه