سلیمان لایق
توبه توبه د
دې عصر له آشوبه
زموږ د وخت د
بیدارۍ له لېونتوبه
زموږ وطن په
پردي جنګ کې لولپه شو
د پنجاب او
پرنګي له ظالمتوبه
له بستر د
اباسینه تر جیحونه
پراخه شوې د
ملا د وینو لوبه
څو افغان وطن
غلام کړي پرنګي ته
موږ خلاص کړي
له ایمان او سړیتوبه
اې ساقي د
مرګ په خوب چېرې ویده یې
خرابات یوه
هدیره شوه ستا له خوبه
چې په چم د
خرابات کې شراب نه وي
په څه مخ به
مدد غواړو له نرتوبه
د ننګ پالو
جنګیالو په دود مې مست کړه
چې فارغ شم د
خمار له خیال او خوبه
چې خوره شي
زموږ په وینو او رګو کې
ازادي، د
وروروژنې له خرتوبه
یو ځل مړه
زغلي ته بیا لمبه راپو کړه
د پامیر له
لوړو څوکو، کوز تر ژوبه
چې ویده
غرونه له مخې په غوغا شي
او راپاڅي
افغانان د مرګ له خوبه
چې دا تور
اسمان په سرو وريځو پوښ کړي
په تیاره وطن
خوره کړي د لمر لوبه
او لایق د
شکرانې په سجده پرېوزي
د ویاړونو له
دې ستر بریالیتوبه