سلیمان لایق
له زندانه
شکوه مه کوه حسامه
شکایت نه منل
کیږي د مردانو
چې د اور پ
کوڅو تېر نشي سرتېري
توپير نه شي
د مردانو نامردانو
زندانونه
مدرسې د ازمایښت دي
د وطن د واقعي
قهرمانانو
په سره اور
کې سړه اوسپنه پولاد شي
مصیبت تله او
تول دی د مېړانو
څه حاجت دی د
زګیروي هر نامحرم ته
په تقدیر د
زمري څه د شغالانو
که په مینه د
وطن سوی یې ګوره
عوض نشته د
سرتېرو پتنګانو
چې له خپله
سره تېر شي بیا اتل شی
بل له نورو
څه توپیر د اتلانو
مه له چا نه
برخه غواړه مه ویاړنه
عشق کافي دی
د رښتینو عاشقانو
د مجنون سترګو
ته ټول جهان لیلا ده
لیلا څه ده،
یو ارمان د لېونیانو
لاره پراخه
ده پر مخ ځه مه درېږه
ځان ازاد کړه
له زړو منافقانو
د رستم غوندې
په خپلو مټو تم شه
زینه مه شه د
ځان پالو شیطانانو
زر کرته د
شیطان تر خدمت ښه ده
ملاتړنه د
وطن د عاشقانو
یو واحد وطن
یې ووېشه په برخو
په بښتون او
هزاره او تاجکانو
په بلوڅو په
ترکمنو په ازبکو
د شمال او د
جنوب په لوټمارانو
او د دوی په
توطئو او دسیسو کې
لار خطا کړه
د وطن مبارزانو
زه له خپلو
خوارو خلکو نه، شرمېږم
چې موږ لاړو
دوی اسیر شوو د ټګانو
ټول مقصد د
انقلاب یوه نکته ده
ازادي د ساده
وریو له لېوانو
دا زما ذاتي
باور دی مړ به نه شي
دا ارمان د
انقلاب د افغانانو
یادونه: جنرال حسام الدین حسام په ۱۳۲۷ل کال د پکتیا
ولایت ښرنې ته نږدې د ملکانو په کلي کې زېږېدلی دی. دی د افغانستان د حربي پوهنتون
څخه فارغ شوی او د نېک نوم لرونکی یو وطنپال افسر دی. دی د وطن ګوند د حاکمیت تر
سقوط وروسته له کورنۍ سره هالنډ ته مهاجر شو او د یوې بین المللي توطئې په وجه په
هالېنډ کې په ۱۲ کاله بند محکوم شو او د دې پېښې په سبب د ده شعري قریحه رابیداره
شوه او مخ یې ادبیاتو ته راواړاوه. لایق د ده د تسلا او له هغه سره د ملاتړ لپاره
دغه شعر د بند په شپو کې هغه ته ولیکه