ياد لره که چرې د صورت خبرې هم کوم

زه پاکيزه ښکلي سيرت خبرې هم کوم

نه هېرېږې ما نه پښتونواله په غزل کې هم

ستا يمه که ښکلې د غيرت خبرې هم کوم

ما ته حقيقت د پښتونواله اسلام وښودو

کړم که د ملت لوميت خبرې هم کوم

کار زما په اصل کې تسخير د کاينات ګڼه

بس خو په دې ترڅ کې د بهارت خبرې هم کوم

زه چې روهيلي يم پښتني سترګې به ستايمه

بيا له هندو سترګو د نفرت خبرې هم کوم

هسې نه چې تل زما په خوله اُحد او بدر وي

ولوله تاريخ د پانې پت خبرې هم کوم

بيا مې هير سبق په سيالکوټ او په لاهور ووې

بيا د مستقبل د شجاعت خبرې هم کوم

هېر سبق به بيا د أهنا هندو نه ياد کړمه

زه د شنا ستري د طبيعت خبرې هم کوم

هير مې سومنات و جوړ کشمير راته را ياد کړلو

حرج پکې کوم؟ چې د جنت خبرې هم کوم