امیر حمزہ شینواری
نن دې رنګ له ډېره قهره بدل وينم
مستعد دې په
خفګان او جدل وينم
چې نظر مې
ستا د لب په بوسه سېر شو
د بڼو په
څوکو ځکه عمل وينم
د کوتر په
مخ سترګې دې د باز کړې
په صورت کې
دې صورت د اجل وينم
په فتنه کې
فتنه آب شوه بخت مې بند دی
بهېدونکي دې
په اوښکو کجل وينم
چې دندان دې
د شانې ښخ کړه په زلفو
منتشره
شېرازه د ملل وينم
تعجب دی چې د
عشق د عرش له سره
د هجران د
سمندر ښکته تل وينم
بې له تا د
الفت ناوې ده بې خاله
زه حمزه يې
په ښايست کې خلل وينم