امیر حمزہ شینواری
ستا په حکم
کې تاخير کولی نه شم
له تقدير سره
تدبير کولی نه شم
ستا بڼو د
وصال خوب په خوب کې خوب کړ
څو چې ويښ نه
يم تعبير کولی نه شم
بس چې ستا د
مينې مې لاس د ناموس تور کړ
اوس په غم د
ناموس وير کولی نه شم
ستا په مخ کې
مې مجال د تقرير څه دی
چې خلاف دې د
تصوير کولی نه شم
په وروستۍ
سلګۍ کې راشه د يار نومه
بيا خو چرې
دا تقصير کولی نه شم
خدايه دا يې
توجه ده که غفلت دی
منتظر يم او
شبګير کولی نه شم
ګله ستا د
ښکلې ورشو دې وي سرسبزه
که سيلونه د
کشمير کولی نه شم
چې د سرو
اوښکو جرګه راسره نشته
ننواتی د
تاثير کولی نه شم
ما پېښې د
لېونو کړې چې په خود شوم
نور توهين دې
د زنځير کولی نه شم
په کتاب د مخ
د خط حاشيې وشوې
اوس اسان
شولو تفسير کولی نه شم
حمزه اوس مې
د حسرت د وينې وار شو
بس د اوښکو
نور بهير کولی نه شم