نظر چې شي له غيره ځان ته سم د تخيل

پخپله جام له ځانه جوړ کړي چم د تخيل

پخپله چې ښکلا په يو محل نه شي ښکاره

نقشه يې څه راښکی نه شي قلم د تخيل

خبر چې شي له هر څه پکې پاتې نه شي هېڅ

وجود د آيينې لري عدم د تخيل

د زلفو په تشبيه کې چې ايمان شو ور په زړه

ياران د زړونو وکړلو شبنم د تخيل

بتان که رنګا رنګ وي ترې طاهر کاندې يو حسن

کثرت نه جوړ وحدت کاندي حرم د تخيل

هر څو که په ظاهر کې وي محل د حادثو

له قدسه سره پښه وهي قدم د تخيل

حمزه که يې وي کړی له دوه کونه اکتساب

نغمه د ژوند کړي سازه زير او بم د تخيل