امیر حمزہ شینواری
ته مې هېر
کړې خو مه وايه چې دردونه لاړه بس شول
که لمبه د
اور شوه تېره خو بڅري يو په لس شول
د الفت رنګين
خوبونه د ځوانۍ په ګلستان کې
چې خزان د
پیرۍ راغی تعبيرونه د هوس شول
ړنده مينه په
ګړنګ وه بچ ضمير له پرېوتو کړه
يا په توره
نيمه شپه کې اوازونه د عسس شول
نظر ستړی شو
پرده شو ګنې يار دی بې حجابه
چې منزل ته
رسېدی شول هغه ځکه را واپس شول
د بڼو ستنې
دې راوړه چې خلعت د وصال جوړ شي
په شلېدو له
وروستۍ ورځې ټول تارونه د نفس شول
ده لیلی هم
مضطربه فکر مه کوه مجنونه
يو د بل نه
بې قرار شي دا بانګونه د جرس شول
رقيبان يې که
د مينې دعويدار دي حمزه څه شي
سر شیندل د پتنګ کار دی نه په برخه د مګس شول