امیر حمزہ شینواری
ستا يادونه
به چې ما هېرول ډېر شول
او چې ډېر مې
يادول راځنې هېر شول
د اشنا د وطن
ياده را رسېږه
چې ګردونه له
کاروانه مخکې تېر شول
ارمانونه مې
له عشقه تغافل کړي
تل چې ستا په
تصور وو ستا په څېر شول
چې الفت يې و
تر منځه پخپل ځای و
بې له هغه
منقلب زبر او زېر شول
ستا تراخه وو
د خوږو پيدا کوونکي
اوس خوږو ته
دې چې ګورمه ګنډير شول
ښکليه ستا د
ديدن تږي شو لا تږي
څه تاثير د
دې اوبو دی چې پرې سير شول
دا جهان که
څو پراخ دی، غزا وشوه
خو حمزه چې
دې ته راغلل هغه ګير شول