امیر حمزہ شینواری
زه چې ستا په چا کړۍ کې یمه چاق
د راحت عروس
په درې شرطه طلاق
روح او تن مې
مور او پلار دې ترې خلاف کړم
یاره ستا به
شم چې دوی مې کاندي عاق
چې په طاق کې
د نسیان مې خودي کېښوه
په ټولي کې
د عاشقو شومه طاق
سپوږمۍ مخیه
خاموشۍ دې ټول ګویا کړه
د ښایست خبرې
ستا شې په آفاق
دا سرخې مې
هنګامي نه ده د سترګو
دا نه رنګ دی
له حنانه د اشفاق
هر یو حرف دې
ښایې پته ښکاره نه شوې
د هستۍ د
کتاب ختم شو اوراق
شي قدسي به
په معراج د حمزه عقل
چې تا وړی دی
سترګو په براق