صاحب شاه صابر
څوك نازولي نازنينه غواړي
زړه چې دعا غواړي په مينه غواړي
د ګلولښته خو به خدای پوهه کړي
د ګلو قدر د ګل چينه غواړي
زما په سترګو کې چې ځان وويني
هغه ورځ ډېر څه د ائينه غواړي
د زړه په زمکه په زخمونو كري
هر څوك چې دا دنيا حسينه غواړي
مینه مې هغسې ساده سپن زړې
د ياراني خبره سپينه غواړي
د لېونۍ ميني بلا ورکه شه
فرهاد د غرونو نه شيرينه غواړي
صابره مينې په غم واړولو
پرهر چې خوله پرانیزي وينه غواړي