صاحب شاه صابر
زه په اختر کې د جانان کلي ته ځمه
زه د جانان کلي ته ځمه
په ځان د هغه کوڅو خاورې بادومه
زه د جانان کلي ته ځمه
د هغه کلي په کوڅو کې
ما محبت کړی دی
په دکانونو په حجرو کې
ما محبت کړی دی
هلته ورځم د محبت رنګونه وړمه ځمه
زه د جان کلي ته ځمه
هلته به هغسې ولاړ وي
خواږه خواږه بادونه
بې محبته به لتاړ وي
خواږه خواږه بادونه
زه د زړه څړیکې پرهرونه بلومه ځمه
زه د جانان کلي ته ځمه
یاران به ټول په انتظار وي
زما په طمع به وي
صابره ما ته به ایسار وي
زما په طمع به وي
زه د یارانو مینې نه کچه کومه ځمه
زه د جانان کلي ته ځمه