صاحب شاه صابر
د ګلانو
ښکالو اورم د وږمو ګنګوسې اورم
د سپرلي
علامې وینم د بلبلو نغمې اورم
د خوږ زړه د
درد لېمو کې سترګې سترګې یم غوږ غوږ یم
د سحر خندا ته
ګورم د شپې ستړی زګیروې اورم
میخانې وي او
که نه وي خو چې ستا په غم کې ډوب یم
کړنګا اورم
شړنګا اورم سرود اورم نغمې اورم
د سپوږمۍ د
مخ رڼا ته د حالاتو د جام کړنګ کې
د احساس ژبه
ګویا ده د یارانو قیصې اورم
ستا له مینې
منکر نه یم ستا له لوظ مې شک نشته
د شوګیره مې
زړه چاودی چې لمسون د ډېوې اورم
د شفق د
شونډو جام ته د وفا په غره دېره یم
په دعا د
زرکو پایم د تنزرو نارې اورم