صاحب شاه صابر
د ګل د شونډو
د جانان د اننګو قیصه ده
د زړه دنیا
کې د دنیا د رنګینو قیصه ده
د ساقي څنګ کې
د جانان د زلفو سیوري ته ژوند
د خوب و خیال
د بېخودۍ د ورځو شپو قیصه ده
زما د مینې د
غزل په افسانه کې پټه
زما د عمر د
ارمان د زړه چاودو قیصه ده
زما د زخم د
هر درد د بې وسۍ په ژبه
ستا د قاتل
نظر د ګل د غوړېدو قیصه ده
سپوږمۍ فنا
مه شه د ستورو ډېوې تتې مه شه
لا مو په سر
پرته د شپو د شوګیرو قیصه ده
صابره ستا په
پرهري زړه د جانان یادونه
د ګل په زخم
کې د نمر د پلوشو قیصه ده