صاحب شاه صابر
د شوګیرو د
تسلسل بلا خوړلي زړه ته
هسې نه خوب
ور نه شي غېږ ته مې د خوب یونسي
د انتظار د
مجبورو ستړي ستومانه ژوندون
مایوسه نه شي
د غفلت غېږ کې ارام و نه کړي
په ځان مین
نه شم د مرګ له ویرې یار هېر نه کړم
مینه بې زړه
نه شي د عشق ښکلی دستور مات نشي
د زړه د غمه
لېونی نه شم د ننګ و نه خم
بې وفا نه شم
د ښایست د سر غرور مات نشي
ساقي که جام
نه وي ساعت په ساعت ګوټ ګوټ سهي
خو چې مې زړه
روغ وي چې روڼ مې وي د مینې ائین
چې په وعده
یې ګوماني نه شم چې خوب رانشي
چې مې مظبوط
وي ایمان بس چې مې محکم وي یقین