نظم الدین ندرت
لۀ خوشفهمۍ حاصل عذابه! تېر وتلی یمه
بخښنه غواړم انتخابه! تېر وتلی یمه
ستا د وږمو سخنوري مې پوهوي لګیا
ده
او زۀ ګمان کووم ګلابه! تېر وتلی یمه
اخ! که ممکنه وي پۀ خپلو خاپو
بیرته را تګ
د زندگۍ شور او شتابه! تېر وتلی یمه
د لفاظۍ نرم کرداره! لۀ هر چا دې
اورم
پۀ مخ د هر سړي نقابه! تېر وتلی یمه
زۀ هره شپه محاسبه د تللې ورځ
کوومه
زۀ لکه چا سره حسابه! تېر وتلی یمه
اوف! زما تنده او فریب ستا د نظر
ندرته!
اوف!،اوف!، څپه، څپه سرابه! تېر وتلی یمه