نظم الدین ندرت
منتشره چې شغلې شغلې رڼا شوه
کائیناتو دې هستې بیانوله
په حیرت ؤ نا بالغ سماعتونه
چا د چا لن تراني بیانوله
د ګمان سراب سراب مې دی راوړی
د ایمان تنده مې اب د شهود غواړي
ورک د خپلې ګمنامۍ پۀ طور ولاړ یم
د هوس موسَی مې اوس هم وجود غواړي
د فنا نه پس که بیا انانیت وي
سلسله د نرګسیت په بقا وینم
که سجده وي پۀ غرض د سپینو حورو
ژونده! زۀ دې په
مرۍ کې رڼا وینم
ستا د هست پۀ تجسس ومه رحمانه
دا دې څومره علامات مخې ته راغلل
د شعور لۀ روشندانه مې غوښتلې
ستا پۀ لټه کائنات مخې ته راغلل
هر تخلیق کې بِلا کیف لاسونه وینم
د رنګونو وجودونه حسومه
د ندرت د تفکر تر کیفیاتو
ربه ستا د هست رازونه حسومه