صاحب شاه صابر
د یار د کلي
د کوڅو خبرې نوري دي اوس
د محبت د
لېونو خبرې نوري دي اوس
نه په اقرار
کې مینه شته نه په انکار کې خلوص
د هغه سترګو
د بڼو خبرې نورې دي اوس
ګورې وریځې
ژاړي نه د زلفو سیوري ته خوب
د زړه د نوو
تقاضا خبرې نورې دي اوس
چې هر سهار
به یې په مونږ د غم زېری کوو
د هغه نمر د
پلوشو خبرې نورې دي اوس
د ظالمانو
وار خطا د تېښتې رو نه مومي
د مظلومانو د
سلګو خبرې نورې دي اوس
د ژوند دفن د
ارتقاء په تسلسل مې قسم
د خیر و شر د
سلسلو خبرې نورې دي اوس
صابره خدایزده
په تا کوم نوی الهام شوی دی
ستا د غزل د
باریکو خبرې نورې دي اوس