صاحب شاه صابر
مستي چې پکې
نه وي محبت چې پکې نه وي
محفل دې
وخوري سر د ژوند صفت چې پکې نه وي
باغي یمه د
هغه روایاتو نه منکر یم
درک د زندګۍ
د صداقت چې پکې نه وي
رواج د
محلونو څنګه ومنو یارانو
د خاورې د
کورونو حفاظت چې پکې نه وي
په دغسې
مجبورو پسرلو خو دې لعنت وي
د زخم د
سپړدلو اجازت چې پکې نه وي
نه زړه نه
پسرلی نه ګلستان نه د ژوند ساز دي
احساس د
ګلبدنو د زینت چې پکې نه وي
په څښو کې به
څه خوند وي د نشې به څه مزه وي
د یار د
خوبولو سترګو ست چې پکې نه وي
صابره هغه
سترګو ته ځای ورنکړي په زړه کې
د مینې
خوبولو علامت چې پکې نه وي