صاحب شاه صابر
د انتظار د
دار په سر ژوندي یو
په تمه ستا د
یو نظر ژوندي یو
د عشق اعجاز
نه دی نو څه دي ساقي
ستا له محفله
چې بهر ژوندي یو
د زلفو سيوري
ته د خوب په ارمان
د انتظار په
ستړي نمر ژوندي یو
د پیښور د
کنګوسو په تمه
د خاموشۍ په
لوی خیبر ژوندي یو
په مونږ
آبادې ویرانې د ژوندون
مونږ لکه ګل
پخپل پرهر ژوندي یو
مونږ د
حالاتو د پښتو روزلي
مونږ په سنګر
مرو، په سنګر ژوندي یو
مونږ د احساس
د سمندر لامبوزن
مونږه د مينې
په سمندر ژوندي یو