صاحب شاه صابر
هغه زما د زړه دنیا کې اوسي
څه لېونۍ ده په صحرا کې اوسي
د وېن ټول ښکلي په ښار دېره دي
مئینان هسې په بیدیا کې اوسي
ستا د نئر لمر به د چا په کور وي
څوک بختور به په رڼا کې اوسي
زړه مې د درد بله ډېوه ګرځوي
خیال مې د زلفو په سودا کې اوسي
ستا د ښایست د ګل سندرې وايي
د زړه بلبل مې په هوا کې اوسي
د بڼو سوری یې په ستورو رپي
یاد یې زما د زړه درزا کې اوسي
صابر که هر ځای کې وي هېر دې نشي
ستا په تکل ستا په سودا کې اوسي