عبدالقادر خان خټک
چې
په زړه کې یې پرته وي د سر مينه
بيا به نه مومي هرګز د دلبر مينه
چې
تلخي د بيلتون شته و به یې نه کړم
که خوږه ده لا تر شهدو شکر مينه
لکه
زر تر خاص و عامه پوری زَر وي
هر سړی چې کاندي ډېره په زر مينه
ما ته
بوی د خپل آشنا د زلفو بس دی
که نور خلق کا په مشک وعنبر مينه
په
لباس د ګدایۍ لکه بادشاه دی
په هر چا باندی چې وکا اثر مينه
تورې
خاورې یې سند شي اورنګ پريږدي
شاه جان د زمانې کا نفر مينه
د
دنيا میېن همېش په زړه رنځور وي
ځکه نه کا په دنيا قلندر مينه
د
پېغور ناوکی هيڅ اثر پرې نه کا
عاشقان لري په مخکې سپر مينه
نور تمام له عبيه ډک عبد القادر دی
يو لرې په خپل وجود کې هنر مينه