ملا لتاړ
مه نازيږه په وفا د فاني عمر
وفا واړه ده جفا د فاني عمر
رسولی هيڅوک نه شي تر مزله
ملګيری ده بيوفا د فاني عمر
د بريښنا په څير کا يون په هر نفس کې
رفتار تيز دی له هوا د فاني عمر
په تلوار تلوار توښه د آخرت کړه
اميد مه کړه په بقا د فاني عمر
په ياری په آشنایې یې غلط مه شه
دوستی نه شي له هيچا د فاني عمر
دا خبره ته د زړه په غوږو واوره
شي له تا به يار جدا د فاني عمر
نن د وار دی که (لتاړه!) ننداره کړی
ګل به نوي مدام وا د فاني عمر