ملا لتاړ
که لذت غواړې د مستې د رخسار
زړه مشغول کړه تل د نيکو په روزګار
اول ترکه کړه دنيا په دا دنیا کې
بل صورت کړه په محنت تر خاورو خوار
نام و ننګ دواړه تر پښو لاندی پايمال کړه
په سر کيږده د تهمت کښلی دستار
په ژړا ژړا ته سره دواړه ليمه کړه
جوړ په مخ د سپينو اوښو کوه قطار
کور کيږدی د دی دنيا په ار پسی کړه
قندر شه کړه طلب د خپل دلدار
کل آرام په ځان حرام کړه که عاشق
روغ صورت د يار په مينه کړه بيمار
که يار سر و مال له تا په هر دم غواړی
ورته نذر سر و مال کړه په هر وار
هر فرمان یې کړه قبول په دوه چشمانو
که سلطان یې شه و يار ته خدمتګار
د رضا جلب په لاس د آشنا ورکړه
چې دی بيایې کړه هغه لور ته رفتار
د زړه خون بيرون له سترګو کړه(لتاړه!)
دا سا ده نمری پر رنګ کړه ګل انار