يادوم ځکه هر دم د دلربا مخ

 چې بل نشته دی په دارنګ زيبا مخ

آينه به په کې خپل عکس ووينی

 که له نازه کا یوځله ورنما مخ

عقل هوش به د دی خلکو پاتو نه شي

 که ښکاره کا له نقابه په خندا مخ

مصفا به کا خاطر د نورو جونو

 که له مهره ورښکاره کاندي صفا مخ

ثنا ګوي به نور اشيا سړی، پيری شي

 که یې ولید په دنيا کې د ثنا مخ

عشقان مدام تلاش د معشوقو کا

 ور ته هيڅ شي په خاطر کې د نور چا مخ

که رښتينی عاشقان وي په خپل عشق کې

 ور څرګند به په رښتيا کاندي آشنا مخ

دا فانی مخونه مه ګوره(لتاړه!)

 لټوه په خپل انګړ کې د بقا مخ