ملا لتاړ
چې مشغول ستا په ثنا شه زما روح
نور ويزار له دی دنيا شه زما روح
له جمله کاره فارغ شه په دا دهر
شپه و ورځ په طلب ستا شه زما روح
نظر نه کا د دنيا سود و سودا ته
چې اګاه ستا په سودا شه زما روح
لکه عشق د پتنګانو وي په شمع
هسی رنګ په تا شيدا شه زما روح
چې له غيرو یې توبه کړه ستا په مينه
ځکه دارنګه صفا شه رما روح
آشنایې یې د دی خلکو فراموش کړه
چې له تا سره آشنا شه زما روح
زه (لتاړ) چې آګاه ستا په محبت شوم
له دنيا رخه جدا شه زما روح