ملا لتاړ
غره مه شه د دې غمر په حيات
خود به وخورې په زړه غشي د ممات
خدای مختاره په دا خپله سودا ته کړی
که شړی په بها پيری که نبات
د هغه جهان لذت به دلی نوش کړی
که دی يون شي په حدیث او په آيات
که بيړی کړی د طاعت په درياب ګډه
غنی خدای به دی آسان کا مشکلات
لکه ګل هسی به واغونچې د زړه کړی
که ګویا شي په صفت د حق د ذات
ولايت موند په محنت په مشقت شي
په تش نيت دی چا موندلی کرامات
ولی ته هغه روزګار نه کړی(لتاړه!)
چې ارمان ورپسی کړی په عرصات