صدیق
چې په ښه فکر تدبير کاندې خبرې
ښې خبرې ښه مزه کا تر شکرې
چې په قدر د خبر و خبر دار شوم
د خبرو دی قيمت تر مرغلرې
د هوښيار د نادان ژبه واړه يو وي
په ګفتار يې فرق څو شي ويله لرې
ميړني په ميړنتوب سره ياديږي
د نامردو کله څوک وايي سندرې
واړه عيب په دا خلقو کې هنر شو
خلقه شوه اوس په سترګو تت نظرې
لوی په لوی همت لوييږي، کم کميږي
د ازل برخې څوک کمې شوې څوک سترې
که په قدر د خبرو خبردار شي
د صديق ويل به ياد کړي نژدې لرې