صبر و زهد دې ناصحه ښه پلو

که بله کا راته عشق د ورتلو رو

پند و وعظ هاله ښه وي چې مانه شي

تا خو جوړه کړه پيشو و کا څوک میو

ته خو ښه دُر و ګوهر پندونه وايې

باري نه راځي په کار زما یوجو

په هیچا يې ښه توښه نه شي په عشق کې

له مزري سره جنګېږم یو په یو

د هوسۍ په ښکر برات زما مطلب شه

هوسۍ نشمه نیوی د پښو په دو

نه دی ګرم د عشق په دم شېخ و هلک ته

کاڼي بوټي د صحرا شي واړه بو

چې د وچې ژړا شرم باندې پټ کړم

درد و غم راکې پرې نه ښو هومره نو

په روش د تښتېدوني مريي عشق ته

د شېخانو په حلقه کې څارم څو

نور به ګور لره حمید وړي کومه شمع

چې در ګور کاندې د ښکلي مخ پرتو