رحمت الله درد
ناست وي په محفل کې خو تنها لگي
پته د مين سړي صفا لگي
دا واړه
اعجاز دې د سرو شونډو دى
ته که دروغ
هم وايې، رښتيا لگي
زهيې د
"خوشال" غوندې په جار منم
ښکلي گنې
خلکه! د هر چا لگي
نهغواړي، د
زړه علاج مې نهغواړي
وايه گنې څه
د مسيحا لگي
زه چې د چا
بل ښکلي صفت کوم
خداى خبر چې
ولې بد په تا لگي
ناز او په
ستم کې فرق اسان نه دى
ښکلي موږ ته
ځکه بېوفا لگي
غشي چې کاږه
وي هدف نه لگي
ستا باڼه
کاږه دي خو رسا لگي
وې ليدم، موسکۍ شوه، رو يې وويل:
"درد به مې په ټنډه خامخا لگي"