دروېش درانی
تر ګُمان لوړ دی او د خیال په هغه خوا دی جانان
د دغه هر یوه دېوال په هغه خوا دی جانان
بارخو او شونډي یو پړاو دی، دا منزل مه ګڼه
پوه شه چې ډېر د خپل جمال په هغه خوا دی جانان
شوم مخامخ به په هر حال کې له سرابه سره
شوه را معلومه د هر حال په هغه خوا دی جانان
د بېلتانه تر لوی دریاب په څه کړاو را تېر شوم
اوس بیا دوی وايي د وصال په هغه خوا دی جانان
دورېشه! وزغمه دا ژوند لکه خنجر په زړه کې
د دې عذاب، د دې وبال په هغه خوا دی جانان