دروېش درانی
چې بیا نه توره پورته شي نه سر په وینو رنګ شي
باداره! دغه جنګ دې د وطن آخري جنګ شي
که زړونه سره یو کړو او لاسونه سره ور کړو
دا کاڼي به لعلونه شي، دا بوټي به لونګ شي
تر څو به دوی په لکې کلي ګرځي دا به وايي
چې دا مېنه دې ورانه شي او هغه کور دې ړنګ شي
زموږ ځلمي چې جنګ ته هڅوي نو ورته وايي
چې هسې که مو کېښودې نو توري به مو زنګ شي
که ګورې له لستوڼيه به يې سور خنجر را ووزي
دروېشه! چې روان درسره څوک دلته پر څنګ شي