چې په هجر کې زنده تر اوسه پایم

د رښتینو په مذهب کې بې وفا یم

محبت مې اسان نه وه چې پوهېږم

تر مئین پورې خجل په دا وینا یم

په اخلاص کې مې راستي ظاهره نه ده

که مې سر له تنه لرې کا سزا یم

چې فرقت یې راته اور که وصل وشي

د ناقصې مینې څه و یار ته وا یم

حضوري له هجره سخته شوه و ما ته

خلقه څه کړم ګرفتار په دوه بلا یم

هسې رنګ جدايي مه شه له حراده

لکه زه فلک بېل کړی په جفا یم

که فراق همه سوری لکه غلبیل کړم

چې لا دم راباندې شته څړه ریا یم

د دین طمع شکي ده په کالونه

تش دمه د زړه کوم چې نن صبا یم

یو زمان یې خالي کله یم له یاده

بل په خوب کې په دغه سود و سودا یم

د اورنګ جور اسان چې په صورت دی

په فریاد د فرقتونو له غوغا یم

جو دانه صبر مې چیرې دی په زړه کې

زه روهی د یار په مخ پسې تالا یم