امیر حمزہ شینواری
چې مکېز دې کړو دلبر ورسره ګډ
نظر څه و، شو کوثر ور سره ګډ
زه له عقله خبر نه وم چې سرکه ده
ما به کړو د عشق شکر ور سره ګډ
عاشقۍ د هلاکت کمر ته بوتلم
ما ناپوه چې کړو هنر ور سره ګډ
کجاوه وه د ليلی که بړبوکۍ وه
جوش د شوق مې کړو نظر ور سره ګډ
د قطرې نه سوا نه شوې د زړه اوښکې
څه که چاکړو سمندر ور سره ګډ
ده بېګاه د چا په مستو سترګو څښلي
واعظ څه وشو منبر ور سره ګډ
په خلوت خلوت دې خور شو حمزه شعر
څوک دننه، څوک بهر ور سره ګډ