امیر حمزہ شینواری
بوی حيران وي د رفتار په آيينه ګرد
رنګ و ګل وي د بهار په آيينه ګرد
په تراخو ميو لذت د تويې نه څي
انفعال شو د خمار په آيينه ګرد
تصور د پاس ځلا ده په بېلتون کې
مه شه مه د انتظار په آيينه ګرد
د بوسې په وخت مې وېره کړي له آهه
چې يې نه شي د رخسار په آيينه ګرد
صافي، مېل د زړه، قيام د صفايي دی
د آيين نه شي رنګار په آيينه ګرد
تل بينا اوسه، که نه وي نو پيدا کړې
خب د سترګو، د ديدار په آيينه ګرد
اختيار دې څه ور کړی وحمزه ته
چې يې دی د اختيار په آيينه ګرد