امیر حمزہ شینواری
هيڅ پروا مې نشته د دنيا په مخ
سترګې مې پرانستې د اشنا په مخ
ګوره جلالت د يار زما په مخ
ګوره تماشا د تماشا په مخ
مخ که د دنيا د ناوې ګور مه
ګورم بې بې شک خو د عقبی په مخ
سترګې سترګې جوش کې د منزل يمه
جوړه بړبوکۍ شوم د دريا په مخ
چرته د خندا نه مې موسکۍ چمن
يا چپه چپيا يم د صحرا په مخ
يار مې مسيحا مدامي ژوند لرم
زه رونق د ژوند د مسيحا په مخ
زه حمزه ملهم د عاشقانو يم
لولم چې قرآن د بې نوا په مخ