د ارواح د کوچ نیلي په زړه کې زین شول

چې په زنې مې ویښته د شباب سپین شول

د ځوانۍ بهار چې وه لیښ له بدنه

د پیرۍ په خزان تور ویښته زرین شول

نور به تور نشي هرګز که دایم ژاړم

د شباب وېښته چې یو ځله سیمین شول

د هجران اندوه چې نه دی سکاره کړی

دا هډونه مې د تن مګر روئین شول

لا مې بخت په خوب ویده شه مدت نه کا

یا د دور حاکمان په زړه سنګین شول

چې توبری یې هیڅ تاثیر په صورت نه کا

د اه غشي مګر مات په چار ائین شول

هسې وینې مې غم توې کړې تر سترګو

چې مې لمري د صورت همه رنګین شول

حال مې وګوره د کسیو له هجرانه

په ګلزار کې د سرو ګلو په ائین شول

د غم تخم په زړه پروت نه وي زرغون شي

چې په هل یې د هجران پټي سادین شول

اې هجري کاشکې هجران په دوران نه وی

له تاختونو یې په جال اهل زمین شول