امیر حمزہ شینواری
د کايناتو په چمن کې دی بهار د رڼا
له هر یو رنګه عبارت دی هر یو تار د رڼا
له کايناتو ما وراء مې دی الوت د خيال
د محسوساتو نه وتی نه شي رفتار د رڼا
بې له خپل ځانه به روښانه حقیقت نه وي بل
زما خبري دي چې پيدا کړي اعتبار د رڼا
مينه هيڅ کله اشنا نه شوه د کږليچه سره
لکه مدام چې وي رفتار په نېغه لار د رڼا
جوړ ښاپيرۍ ده چې به ښکاري خویبانه ښکاري
دا نشوران چرې پوه نه شول په اسرار د رڼا
همه نن زېري د وصال ته داسې ځيروي زړونه
لکه سپوږمۍ نه چې حاصل نه وي اختيار د رڼا
ځکه شډل زړونه له حسه څه بهره نه مومي
په کثيف څيز چرې کېدی نه شي اظهار د رڼا
چې بېنوا ته مې زړه ور کړو بې نوا شومه زه
رڼا رڼا شومه حمزه چې شومه يار د رڼا